“ABŞ çox güman ki, Əfqanıstandakı diplomatik missiyasını bağlayacaq”.
Bunu ABŞ-ın Dövlət katibi Entoni Blinken deyib.
O, bildirib ki, ölkə hərbçilərinin Əfqanıstanı tərk etməsindən sonra ABŞ bu ölkədəki səfirliyini də saxlamayacaq.
Blinken ABŞ-ın Əfqanıstanı tərk etməyə can atan və bunu sentyabrın 1-nə kimi edə bilməyən vətəndaşlara gələcəkdə də köməklik göstərmək niyyətində olduğunu deyib. O, ABŞ-ın Əfqanıstandan çıxmaq istəyən şəxslərin ölkəni tərk etməsini yüngülləşdirə bilən vasitələrinin və mexanizmlərinin olduğunu da bildirib.
Bundan başqa, Blinken“Taliban”ın öz vədlərinə əməl edəcəyinə və Əfqanıstan sərhədlərini avqustun 31-dən sonra açıq saxlayacağına ümid etdiyini də deyib.
O, qeyd edib ki, haırda ABŞ “Taliban” nümayəndələrinin sözlərinə inanmır və onları hərəkətlərinə görə qiymətləndirir.