Azərbaycanda ilk dəfə beşəm uşaqlar dünyaya gəlib.
29 yaşlı Lamiyə Mürşüdlünün dünyaya gətirdiyi körpələrdən dördü oğlan, biri qızdır.
Uşaqların anası özünü yaxşı hiss etdiyini deyir: “Hazırda özüm də yaxşıyam, uşaqlar da. Ağrım, şikayətim yoxdur. Qeysəriyyə əməliyyatı ilə dünyaya gəliblər. Həkimlərimizə minnətdaram. Adət-ənənəmizə uyğun olaraq uşaqların adını nənə-babalarımız qoyacaq”.
Bakı Sağlamlıq Mərkəzindən bildirilib ki, dünyaya göz açan oğlanlardan ikisinin çəkisi 1100 qr, biri 1000 qr, o biri 845 qr, qız isə 1200 qr olub.