Ten-d’Ermitaj kommunasında vətəndaşlarla görüşən Fransa Prezidenti Emmanuel Makrona şillə vuran Damyen Tarel məhkəmənin qərarı ilə iki illik şərti cəza alıb.
28 yaşlı D.Tarel iki il şərti cəza dövründə işləməli və ya təlim keçməli, eləcə də psixoloji yardım almalıdır. Həmin müddət ərzində o, heç bir yeni qanun pozuntusu törətməməlidir.
D. Tarel beş il müddətinə silah sahibi olmaq hüququndan və hər hansı dövlət vəzifəsini tutmaq hüququndan da məhrum edilib. Bundan əlavə, D.Tarelin mülki hüquqları da üç il müddətinə məhdudlaşdırılıb.