İkinci Qarabağ müharibəsində ağır yaralanan, “Yaşat” fondu tərəfindən müalicə üçün Türkiyəyə göndərilən 4 qazimiz sağalaraq bu gün vətənə qayıdıb.
Fondun məlumatına görə qazilər Məhəmməd Mehtixanov, Xəyal Abdullayev, Aqil Eminov və Şəhriyar Əzməmmədovun qardaş ölkədə müalicəsi uğurla yekunlaşıb.
Hazırda Türkiyədə daha 20 qazinin müayinə və müalicəsi davam edir.
Martın 3-də “Yaşat” fondunun xəttilə qazi Arif Hacıyevin müharibə zamanı zədələnən gözünü israilli həkimlər əməliyyat ediblər. Onun gözünün içərisinə okulyar linza yerləşdirilib və israilli donordan təzə bir kornea (transplantasiya edilmiş göz bəbəyi) köçürülüb. İsrailin Azərbaycandakı səfiri Corc Dik də müalicə alan qazilərimizə baş çəkib.
Qeyd edək ki, fondun təşəbbüsü ilə İsraildən Azərbaycana 8 göz həkimi gəlib.