Təhsil Nazirliyi ümumtəhsil məktəblərinin direktoru vəzifəsinə seçilmək istəyənlər üçün test imtahanı keçirir. Bu barədə Təhsil Nazirliyindən məlumat verilib.
İmtahan mart ayının 6-7-də 25 imtahan mərkəzində 90 dəqiqə ərzində keçiriləcək. Namizədlər təhsil qanunvericiliyi üzrə 25, məntiq üzrə 20, əmək qanunvericiliyi üzrə 15 test tapşırığını yerinə yetirməlidirlər.
Təhsil nazirliyindən verilən məlumata görə direktorluğa qəbul imtahanı Covid-19 pandemiyasının tələblərinə uyğun təşkil olunacaq. Maska, sosial məsafə, gigiyenik qaydalara əməl olunmasına riayət ediləcək.
Sərt tələblər qoyulub: “Namizədlər özlərinin və başqalarının sağlamlığına məsuliyyətlə yanaşmalı və qeyd olunanlara riayət etməlidirlər. İmtahan prosesində tibbi maskasını çıxardan və təlimatdan irəli gələn digər vəzifələri yerinə yetirməyən namizəd imtahandan uzaqlaşdırılacaq və imtahan nəticəsi ləğv ediləcək. Həmin namizəd cari il təkrar müsabiqədə iştirak edə bilməyəcək”.
Direktorluğa keçid balı test imtahanında əldə edilən sonuclarr vә vakansiyaların sayına görə müəyyən ediləcək.
Qeyd edək ki, direktorların işə qəbulu dörd mərhələdən (elektron ərizələrin qəbulu, test imtahanı, müsahibə və vakant yerlərə yerləşdirilmə) ibarət müsabiqə yolu ilə keçirilir.
Fevralın 19-da direktorların işə qəbulu üzrə ilk onlayn sınaq imtahanı keçirilib.