İki ilə yaxın İranda casusluq ittihamı ilə həbsdə olan tələbə Fərid Səfərli Azərbaycana qaytarılıb.
Onun azad olunub ölkəyə gətirilməsi barədə Dövlət Təhlükəsizliyi Xidmətinin və Xarici İşlər Nazirliyi birgə məlumat yayıb. Fərid Səfərli “beynəlxalq hüquqi əməkdaşlıq və qarşılıqlı prosedur çərçivəsində bu il yanvarın 18-də İran İslam Respublikasından təhvil alınaraq ölkəmizə qaytarılıb”, birgə məlumatda deyilir.
DTX və XİN-inFərid Səfərlinin azad olunması barədə birgə məlumatından sonra “Facebook” da mənbəyi bilinməyən və hər biri yeni yaradılmış çoxsaylı saxta profillərdən yalan, şər-böhtan xarakterli şərhlər yazmağa başlayıblar. Şərhlərdə, əsasən, “Fərid Səfərlinin casusluq etməsinə baxmayaraq, saxlanıldığı ölkədə ona xoş münasibət göstərildiyi, bununla belə layiq olmadığı halda Azərbaycana qaytarıldığı” bildirilir.
Qohumlarından əldə olunan məlumata əsasən, Almaniyada tələbə olan, getdiyi İranda 2 il həbsdə saxlanılmış Fərid Səfərli əvəzsiz qaydada deyil, Azərbaycanda həbsdə olan İran casusu ilə dəyişdirilib.