Azərbaycan Nazirlər Kabineti “koronavirus infeksiyasının (COVID-19) ölkə ərazisində yayılmasının və onun mümkün nəticələrinin qarşısını almaq üçün” xüsusi karantin rejimini 1 aprel 2025-ci ilədək uzadıb. Müvafiq qərarı baş nazir Əli Əsədov imzalayıb.
Xatırladaq ki, Azərbaycanda karantin rejimi 2020-ci ilin yazında tətbiq edilib və o vaxtdan hər üç aydan bir uzadılır. Praktikada bu, yalnız bir şey deməkdir – ölkə vətəndaşları və əcnəbilər də daxil olmaqla, bütün adamlar üçün ölkənin quru sərhədlərini bağlı saxlamaq. Vətəndaşlar üçün ancaq hava əlaqəsi mümkündür. Bütün bunlar çoxsaylı şikayətlərə səbəb olur və sıravi vətəndaşlar üçün böyük problemlər yaradır.