RF prezidenti Vladimir Putin oktyabrın 8-də MDB Dövlət Başçıları Şurasının iclasından əvvəl Azərbaycan prezidenti İlham Əliyev və Ermənistan baş naziri Nikol Paşinyanla görüşəcək. KİV-in yaydığı məlumata görə, bu barədə RF prezidentinin köməkçisi Yuri Uşakov bildirib.
Onun sözlərinə görə, hələlik üçtərəfli görüş planlaşdırılmayıb. Bu barədə Rusiya Prezidentinin köməkçisi Yuri Uşakov oktyabın 7-də brifinqdə məlumat verib.
“Görüşlərdə Azərbaycanla Ermənistan arasında münasibətlərin normallaşdırılması məsələləri müzakirə olunacaq”, Uşakov qeyd edib.
Xatırladaq ki, Azərbaycan MDB Dövlət Başçıları Şurasının 24 sentyabr 1993-cü il tarixli iclasında bu quruma üzv qəbul olunub.
Ölkəmiz MDB çərçivəsində Ermənistan istisna olmaqla, digər bütün üzv ölkələrlə müxtəlif sahələrdə, xüsusən mədəniyyət, humanitar, elm və digər sahələrdə əməkdaşlıq həyata keçirir. Azərbaycan hər il keçirilən MDB Dövlət Başçıları Şurası, Hökumət Başçıları Şurası, İqtisadi Şura, Xarici İşlər Nazirləri Şurası və üzv olduğu digər orqanların iclaslarında iştirak edir.