“Fənərbaxça”nın prezidenti Ali Koç komandanın yeni baş məşqçisi Joze Mourinyonun illik maaşını açıqlayıb.
“Qafqazinfo” xəbər verir ki, “Halk TV”də qonaq olan klub rəhbəri portuqaliyalı mütəxəssislə 12 milyon avroya anlaşdıqlarını bildirib.
O, bu məbləği təkcə Mourinyoya deyil, çalışdırıcının bütün məşqçi heyətinə verdiklərini də sözlərinə əlavə edib:
“Mourinyo “Beşiktaş”la da görüşdü. Lakin biz onunla gec təmasa keçdik. Çünki Səadəttin Saran və Əziz Yıldırım onunla görüşdüyü zaman çempionat davam edirdi. Biz tərəfdən isə danışıqları Mario Branko aparırdı. Çempion ola bilərdik deyə mövsümün gedişində heç bir müzakirə aparmadıq. Amma Superliqa bitdikdən sonra mən də Mourinyo ilə görüşdüm. Əziz Yıldırım ona 15 milyon avro təklif etmişdi. Amma biz bütün məşqçi heyəti ilə birlikdə illik 12 milyon avroya razılaşdıq”.