• 14 Aprel 2024 03:04

Rusiya ilə müharibədə 31 min ukraynalı hərbçi həlak olub

Fev 26, 2024

Ukrayna prezidenti Vladimir Zelenski bazar günü Rusiya ilə müharibədə həlak olan ukraynalı hərbçilərin sayının 31 min və Rusiyanın işğal etdiyi Ukrayna ərazilərində on minlərlə dinc sakinin həlak olduğunu bildirib.

Zelenski həmçinin Ukraynanın qələbəsinin Qərb dünyasının dəstəyindən asılı olduğunu vurğulayıb və ABŞ-ın kritik hərbi yardım paketini təsdiqləyəcəyinə əminliyini ifadə edib.

Ukrayna prezidenti Kyivdə keçirdiyi mətbuat konfransında deyib: “Ukraynanın (müharibədə) uduzub-udmayacağı, bizim üçün çox çətin olub-olmayacağı və çoxlu sayda itki olub-olmayacağı sizdən, tərəfdaşlarımızdan, Qərb dünyasından asılıdır. Konqresdə ümid var. Onlar bilirlər ki, bir ay ərzində dəstəyə ehtiyacımız var”.

Zelenskinin sözlərinə görə, Ukrayna üçün Polşa ilə yaxın münasibətlər saxlamaq vacibdir, lakin eyni zamanda Kyivv polşalı nümayişçilərin qurduğu sərhəd blokadasından zərər çəkmiş müəssisələri qorumağa hazırdır.

“Ukraynadan Avropa institutlarına təzyiq göstərmək üçün istifadə etmək ədalətsizlikdir. Bizim üçün birliyi qorumaq vacibdir və heç bir addım (tənzimləmə üçün) tapılmasa, o zaman işimizi qoruyacağıq” – deyə, Ukrayna lideri bildirib.

Zelenski vurğulayıb ki, Ukraynanın Rusiya qoşunlarına qarşı yeni əks-hücum üçün dəqiq planı var. Ukrayna prezidentinin sözlərinə görə, qoşunların rotasiyası hərbi əməliyyatlar üçün vacibdir.