“Peyvənd olunanlarda ən çox miokardit, nevroloji pozuntular, baş və onurğa beyninin patologiyaları aşkar edilib…”
“Son üç ildə koronavirusa qarşı 13, 5 milyard doza peyvənd tətbiq edilib…”
Yeni tədqiqatın nəticələrinə görə, koronavirusa qarşı peyvənd olunanlarda nevroloji və ürək-damar xəstəliklərinin inkişafının yüksək riskləri aşkar edilib.
Bu barədə Amerikanın “Bloomberg” nəşri “Vaccine” tibbi jurnalında dərc edilən iri tədqiqatın nəticələrinə istinadən məlumat yayıb.
“Global Vaccine Data Network” (Peyvəndlər haqqında qlobal şəbəkə”) birliyinə daxil olan məqalə müəllifləri dünyünın 8 ölkəsindən peyvənd olunan 99 milyon nəfərin tibbi kitabçalarını öyrənib.
Tədqiqat nəticəsində alimlər qrupunun “xüsusi maraq kəsb edən arzuolunmaz hallar” hesab etdiyi 13 tibbi vəziyyət aşkar edilib.
O cümlədən, “Pfayzer”, “Biotex” və “Moderna” şirkətlərinin preparatlarını alan pasiyentlərdə ürək əzələsinin iltihabı-miokarditin yüksək riski müşahidə edilib. Bu xəstəlik ən çox “Moderna” ilə iki dəfə peyvənd olunan pasiyentlərdə aşkar olunub.
“Astra-Zeneka” istehsalı olan “Vaxzevria” preparatı yeridilən insanlarda ən çox Qiyyena-Barre sindromu aşkar edilib.
Bu nevroloji pozuntu zamanı immun sistem yanlış olaraq periferik sinir sisteminə hücum edir.
Alimlər 190 belə patologiya halını aşkar edib. Xəstəliyin ortastatistik tezliyi nəzərə alınmaqla 66 belə hal olmalıdır. Maraqlıdır ki, heç bir başqa tədqiqatda belə hallar olmayıb.
ChAdOx1-S/nCoV-19″ (rekombinat peyvənd) peyvəndi alan pasiyentlərdə serebral venoz sinuslarının trombozu (baş beyində tromblar) təzahürlərinin çoxaldığı-gözlənilən 21-ə qarşı 69 hal müşahidə edilib.
Həmçinin “Pfayzer” və “Biotex” peyvəndi alanlarda gözlənilən 2-ə qarşı 7 kəskin dağınıq esefalomiyelit (sinir sistemi xəstəliyi) halı qeydə alınıb.
Peyvəndlərin digər yan təsirləri arasında onurğa və baş beyinin patologiyaları olan köndələn miyelit və kəskin dağınıq ensefalomiyelitin yüksək riskləri qeydə alınıb.
Nəşrin məlumatına görə, son üç ildə koronavirusa qarşı 13, 5 milyard doza peyvənd tətbiq edilib. Təkcə Avropada bu tədbirlər bir milyondan artıq adamın həyatını xilas etməyə imkan verib. (Moderator.az)