• 29 Fevral 2024 02:34

Türkiyə, İtaliya və İsveçdən olan astronavtlar yerə qayıdıblar

Fev 11, 2024

Türkiyə, İtaliya və İsveçdən olan astronavtlar Beynəlxalq Kosmik Stansiyaya üç həftəlik şəxsi missiyasını başa vuraraq cümə günü yerə qayıdıblar.

Üçlüyü hazırda çarter uçuşunu təşkil edən Hyuston şirkəti “Axiom Space”də işləyən təqaüdçü NASA astronavtı müşayiət edirdi. Ekipaj Florida sahillərində Atlantik okeanına paraşütlə atılan “SpaceX” kapsulunda qayıdıb.

Keçən ay Türkiyə Kanaveral burnundan Alper Gezeravcının buraxılışını bayram etdi. Keçmiş qırıcı pilot və Türk Hava Yollarının kapitanı olan bu şəxs ölkəsindən kosmosa uçan ilk insan olub.

Gezeravci səfərə İtaliya Hərbi Hava Qüvvələrinin polkovniki Valter Villadey, Avropa Kosmik Agentliyi tərəfindən 2022-ci ildə ehtiyat astronavt olaraq seçilmiş keçmiş qırıcı pilot, isveçli pilot Markus Vandt və onların müşayiətçisi Maykl Lopes-Alegria ilə qoşulub.

Türkiyə, İtaliya və İsveç hər biri təxminən 55 milyon dollar ödəməklə missiyanı maliyyələşdirib. Bu, “Axiom”un kosmik stansiyaya üçüncü şəxsi missiyası idi; dördüncüsü bu ilin sonuna planlaşdırılır.

Kosmik stansiyanı tərk etməzdən əvvəl Gezeravci respublikanın 100 illik yubileyi tədbirləri çərçivəsində kosmosa vətəndaş göndərmək üçün “cəsur və müəyyənedici qərara” görə ölkəsinə təşəkkür edib.

Kosmonavtlar orbitdə olarkən elmi təcrübələr aparıb, məktəblilər və ölkələrinin rəsmiləri ilə ünsiyyətdə olublar. Onlar eniş zonasında havanın yaxşılaşmasını gözləyərək kosmik stansiyada bir neçə əlavə gün keçirdilər. (Contact.az)