• 29 Fevral 2024 04:01

İsrail atəşkəsə razılıq verdi

Noy 22, 2023

İsrail kabineti çərşənbə günü HƏMAS militant qrupu ilə atəşkəs razılşamasını təsdiqləyib. Qüvvəyə minəcəyi təqdirdə atəşkəsin 7 oktyabrdan bəri başlanan döyüşlərdə ilk fasilə yaradacağı və Qəzzada saxlanılan onlarla girovu azadlığa qovuşduracağı gözlənilir.

Razılaşma dördgünlük atəşkəsi əhatə edir. Bu müddət ərzində İsrail qüvvələri Qəzza zolağında əməliyyatları dayandırmalı, HƏMAS isə götürdüyü 240 girovdan azı 50-ni sərbəst buraxmalıdır.

Baş nazir Benyamin Netanyahunun idarəsinin bildirdiyinə görə ilk sərbəst buraxılan girovlar qadın və uşaqlardan ibarət olacaq.

“İsrail hökuməti bütün girovları evə gətirməkdə qərarlıdır,” idarənin açıqlamasında deyilir. “Bu gün hökumət bu məqsədə çatmaq üçün tələb olunan planın ilkin mərhələsini təsdiqləyib.”

Hərçənd ki, kabinet atəşkəsi təsdqiləyib, onun nə vaxt qüvvəyə minəcəyi bəlli deyil.

İsrail rəsmiləri əlavə girovların azad olunacağı təqdirdə atəşkəsin uzadıla biləcəyinə eyham vurublar. Eyni zamanda aydın edilib ki, İsrail HƏMAS-ın məhv edilməsi işini tamamlayacaq.(Amerikanın səsi)