• 29 Fevral 2024 01:32

DİN tərksilah edilmiş erməni hərbçilərinin sabah Qarabağı tərk edə biləcəyini təsdiqləyir

Sen 24, 2023

Qarabağ ermənilərinin birinci qrupu Ermənistana köçməyə hazırlaşır

Qarabağ separatçılarının lideri Samvel Şahramanyan bu səhər Ermənistana getmək istəyən minə yaxın insanın toplandığı Xocalı aeroportuna baş çəkib. Bir sıra erməni mənbələrinin məlumatına görə, o, onların tezliklə Gorusa (Ermənistan) aparılacağını bildirib. Eyni mənbələrə görə, bu gün vətəndaşların birinci qrupu Gorusa köçəcək, sabah isə yol şəxsi avtomobili ilə getmək istəyənlərin üzünə açıq olacaq.

Şahramanyan həmçinin bildirib ki, banklar bazar ertəsi açılacaq və vətəndaşlar pullarını çıxara biləcəklər. Daha sonra separatçıların rəhbərliyi rəsmən təsdiqlədi ki, evsiz ailələr Rusiya sülhməramlılarının müşayiəti ilə köçürüləcək. Öz növbəsində Ermənistan hakimiyyəti Qarabağı tərk edənləri Gorusda yerləşdirməyə hazır olduqlarını bəyan edib.

Sentyabrın 20-də əldə edilmiş razılaşmaya əsasən, Ermənistan Silahlı Qüvvələrinin tərksilah edilmiş və tərxis olunmuş şəxsi heyətinin Azərbaycanın Qarabağ bölgəsindən iki yol: Xankəndi-Laçın və Kəlbəcər vasitəsilə avtobuslarla və şəxsi nəgliyyatla çıxışı təmin ediləcək.

Bu barədə bazar günü Azərbaycanın Daxili İşlər Nazirliyi məlumat yayıb. (Contact.az)