Qafqaz Müsəlmanları İdarəsinin (QMİ) Qazılar Şurası Məhərrəm ayının başlanması ilə bağlı müraciət yayıb.
Müraciətdə deyilir ki, Hicri-qəməri təqvimi ilə 1444-cü il başa çatır.
Yeni, 1445-ci ilin başlanğıcı, yəni Məhərrəm ayının ilk günü Miladi təqvimlə 2023-cü il iyul ayının 19-na, bu ayda qeyd olunan Aşura günü isə iyul ayının 28-nə təsadüf edir.
Sənəddə vurğulanır ki, miladi tarixlə 680-ci ili oktyabrın 10-da, yəni aşura günü Məhəmməd – Peyğəmbərin (s.a.s.) nəvəsi İmam Hüseyn (ə.s), ailəsi və səhabələri ilə birlikdə İndiki İraq ölkəsinin Kərbəla şəhərində qətlə yetirilib.
Sənəddə Məhərrəmlik dönəmində dindarların aşura günü qanvermə aksiyası ən münasib əzadarlıq nümunəsi kimi dəyərləndirilir.
Qanvermə kampaniyasının keçirlməsi ilə bağlı məkanların ünvanlarının Qafqaz Müsəlmanları İdarəsinin (QMİ) rəsmi veb səhifəsində (www.qafqazislam.com) yerləşdiriləcəyi bildirlıir.
Qazılar Şurası əzadarlara xatırladır ki, məhərrəmlik mərasimləri zamanı müxtəlif alətlərlə bədənə xəsarət yetirmək, qan çıxarmaq, qurşağadək soyunaraq sinə vurmaq və s. dinə görə qəbuledilməzdir. Bundan irəli gələrək, “Dini etiqad azadlığı haqqında” qanunun tələblərinə əməl olunması tövsiyə edilir.