• 25 May 2024 08:56

“Titan” ın heyəti partlayışda həlak oldu

İyn 23, 2023

“Titan” sualtı qayığının ekipaj üzvləri ölüb. Qayıqda partlayış olub.

Bununla bağlı məlumatı ABŞ Sahil Mühafizə İdarəsi yayıb.

Bildirilib ki, tapılan gəmi qalıqları itmiş sualtı “Titan”a məxsusdur. Sualtı qayıqda partlayışın baş verdiyi qeyd olunub.

Qeyd edək ki, turistləri “Titanik”in qəzaya uğradığı yerə aparan sualtı qayıq iyunun 19-da Atlantik okeanında itib.

Qayıqda 5 nəfər olub:

 – “Blue Origin” raketi ilə kosmosa uçan britaniyalı milyarder,  58 yaşlı səyyah Hamiş Hardinq;

– “OceanGate Expeditions” şirkətinin baş direktoru, 61 yaşlı Stokton Ruş;

– 48 yaşlı britaniyalı iş adamı Şahzadə Davud. O, Pakistanın ən zəngin ailələrindən birinin üzvüdür.

– Şahzadə Davudun 19 yaşlı tələbə oğlu Süleyman Davud;

– Keçmiş Fransız Dəniz Donanmasının dalğıcı, 77 yaşlı Pol-Anri Narqole. O,  1987-ci ildə onu ziyarət edən ilk ekspedisiyanın tərkibində olub.

Xatırladaq ki, təşkil edilən 8 günlük turun qiymətinin adambaşına 250 min dollar olub.