• 28 Fevral 2024 10:05

Prorektorun qətlinin üstü 12 ildən sonra açıldı

Apr 28, 2023

Baş Prokurorluq və Daxili İşlər Nazirliyinin əməkdaşlarından ibarət istintaq-əməliyyat qrupu 12 il əvvəl qətlə yetirlmiş “Təfəkkür” universitetinin prorektoru Tariyel Əhmədovun qətlinin açtünü açıb. Bu barədə hər iki qurumun birgə yaydığı məlumatda deyilir.

Belə ki, 2011-ci il sentyabrın 16-da 1942-ci il təvəllüdlü Tariyel Əhmədovun yaşadığı binanın yaxınlığında üzərində xəsarət izləri olan meyiti aşkar edilib. Cinayət Məcəlləsinin müvafiq maddələri ilə cinayət işi başlanıb, istintaq aparılsa da, cinayəti törətmiş şəxsi müəyyən etmək mümkün olmadığı üçün iş üzrə icraat dayandırılıb.

Baş Prokurorluğun İstintaq idarəsi tərəfindən cinayət işi yenidən öyrənildikdən sonra iş üzrə icraat təzələnib. İstintaq-əməliyyat tədbirləri nəticəsində əldə edilmiş sübutlarla 1977-ci il təvəllüdlü Dəyanət Quliyevin tamah məqsədi ilə Tariyel Əhmədovu öldürməsinə əsaslı şübhələr müəyyən edilib.

Dəyanət Quliyev iş üzrə cari il aprelin 27-də Cinayət Məcəlləsinin 120.2.5-ci (tamah məqsədilə qəsdən adam öldürmə) maddəsi ilə təqsirləndirilən şəxs qismində cinayət məsuliyyətinə cəlb olunub, barəsində məhkəmənin qərarı əsasında həbs qətimkan tədbiri seçilib.

Hazırda cinayət işi üzrə ibtidai istintaq davam etdirilir.