Noyabrın 22-də erməni tərəfi Azərbaycanın Kəlbəcər rayonundakı mövqelərini atəşə tutub. Atışma saat 10:35-dən 14:30-dək davam edib, Müdafiə Nazirliyinin mətbuat xidməti bildirib.
Eyni zamanda saat 09:17-dən 14:48-dək Füzuli, Şuşa, Xocavənd, Tərtər və Xocalı rayonlarındakı mövqelərimiz atəşə tutulub.
Azərbaycan tərəfi adekvat tədbirlər görüb.
Öz növbəsində erməni tərəfi bildirib ki, Azərbaycan Silahlı Qüvvələri Qarabağda tarlada çalışan adamları atəşə tutub.