Bu gün Bakının Yeni Yasamal yaşayış kompleksində magistral su kəmərində qəza baş verib.
Əsəd Əhmədov küçəsində yüksək təzyiqli 1400 millimetrlik su kəmərinin deşilməsi nəticəsində su fəvvarə şəklində püskürüb. Ərazidəki bir sıra obyektlərə ziyan dəyib.
Qəza ilə əlaqədar su vurulması dayandırılıb, daha sonra qəzanın nəticələrinin aradan qaldırılmasına başlanılıb.
FHN-dən verilən məlumata görə, yığılan su nasoslarla çəkilib.
Öz növbəsində “Azərsu” şirkətindən Yasamal və Səbail rayonunun bəzi hissələrində su verilməsində müvəqqəti məhdudiyyətlər olduğu bildirilib.
Magistral su kəmərində qəzanın nəticələri aradan qaldırılır.