• 14 Aprel 2024 03:40

Türkiyədə kömür mədənində partlayış nəticəsində ölənlərin sayı 40-a çatıb

Okt 16, 2022

Reuters: Türkiyənin şimalında kömür mədənində baş vermiş partlayış nəticəsində ölənlərin sayı ən azı 40 nəfərə çatıb, rəsmi şəxslər bildiriblər.

Şaxtaçıların çarəsiz qalan yaxınları bütün gecəni soyuqda xəbər almaq ümidilə Qara dəniz sahilindəki Bartın vilayətinin Amasra şəhətində TTK Amasra Müessese Müdürlüğü dövlət mədəninin qarşısında keçiriblər. Cümə günü axşam partlayışın baş verdiyi vaxt mədəndə 110 şaxtaçı işləyib.

Şənbə günü daxili işlər naziri Süleyman Soylu bildirib ki, 40 şaxtaçının öldüyü təsdiqlənib. 11 nəfər yaralanıb, onlar  xəstəxanaya yerləşdirilib, 58 nəfər isə özbaşına şaxtadan sağ-salamat, xəsarət almadan çıxa bilib. Bir şaxtaçının  vəziyyəti aydın deyil.

Energetika naziri Fatih Dönməz bildirib  ki, xilasetmə işləri demək olar ki, tamamlanıb. Bundan öncə  bildirmişdi ki,  ondan çox mədənçinin ilişib qaldığı şaxtada yanğın hələ də davam edir. Onun sözlərinə görə, alovun lokallaşdırılması və soyutma istiqamətində işlər davam etdirilir.

İlkin dəyərləndirmələrə görə, partlayışa kömür mədənlərində tapılan yanan qazlara istinad olan mədən qazı səbəb olub, dünən gecə Dönməz bildirib. Partlayışın araşdırılması ilə üç prokuror məşğul olub.

Gündüz növbəsində işləyən şaxtaçı deyib ki, xəbərlərdə görüb və xilasetmə işlərinə kömək etmək üçün əraziyə gedib. “Dəhşətli bir mənzərə gördük, təsvir etmək mümkün deyil, çox kədərlidir”, – 40 yaşlı Celal Kara deyib. “Onların hamısı mənim dostlarımdır… onların hamısının xəyalları vardı”, – şaxtadan çıxan 14 yaşlı şaxtaçı deyib. Onun üzü  hislə örtülmüşdü.

Hadisə yerində təcili yardım maşınları növbə çəkir. Əraziyə qonşu vilayətlərdən də xilasetmə qrupları göndərilib, Afet ve Acil Durum Yönetimi Başkanlığı (AFAD) bildirib.

Türkiyə prezidenti Rəcəb Tayyib Ərdoğan Tvitterdə yazıb ki, istənilən səhlənkarlıq cəzalandırılacaq.

Türkiyə polisinin mənzil-qərargahından verilən ayrıca bəyanatda deyilir ki, nifrəti qızışdırmaq üçün mina partlayışı barədə təxribat xarakterli kontent paylaşdığı iddia edilən 12 onlayn- istifadəçiyə qarşı hüquqi tədbirlər görüləcək.

Türkiyənin ən böyük mədən qəzası 2014-cü ildə baş verib, o zaman ölkənin qərbindəki Soma şəhərində kömür mədənində baş vermiş yanğında 301 şaxtaçı həlak olub.