“Realxeber.org” saytının və eyniadlı YouTube kanalının administratoru Zaur Qafarov hərbi qulluqçudan onu gözdən salacaq məlumatı yaymaq hədəsilə pul tələb etmə ittihamı əsasında həbs edilib.
Baş Prokurorluq və Dövlət Təhlükəsizliyi Xidmətinin birgə məlumatında deyilir ki, Zaur Qafarov hərbi qulluqçunun barəsində həqiqətəuyğun olmayan, onu gözdən salan videonu montaj edərək öz saytında yerləşdirib. Araşdırmalar göstərib ki, Qafarov bu videonu sosial şəbəkələrdə yaymaqla hədələyərək pul tələb etməyə başlayıb.
Toplanmış sübutların əsasında Zaur Qafarova qarşı Cinayət Məcəlləsinin 182.1-ci maddəsilə (hədə-qorxu ilə tələb etmə) ittiham irəli sürülüb və məhkəmənin qərarı ilə o edilib.