Qarşıdan gələn yeddi gün – avqustun 11-dən 18-dək Azərbaycan ərazisində isti, quru hava şəraiti bərqərar olacaq. Bu barədə Azərbaycan Milli Hidrometeorologiya Xidmətinin əhaliyə xüsusi xəbərdarlığında deyilir.
Sinoptiklərin məlumatına görə, həmin günlərdə Bakıda və Abşeronda maksimum temperatur 35-37 dərəcəyə, bəzi yerlərdə isə 39 dərəcəyə çatacaq.
Rayonlarda hava 35-39 dərəcəyə, bəzi yerlərdə 41-42 dərəcəyə qədər isinəcək.
Dağlarda havanın temperaturu 25-30 dərəcə təşkil edəcək.