Ukrayna ordusu bu gün Krıma zərbə endirib, Saka şəhəri yaxınlığındakı hərbi aerodrom ərazisində partlayışlar baş verib, yanğın başlayıb.
Novofedorovkada uçuş zolağı və döyüş sursatlarının olduğu anbarlar yanırdı, xəbəri “Unian” agentliyi yayıb.
“… İlk partlayış saat 15:20 radələrində eşidilib, ümumilikdə on partlayış olduğu bildirilir. İlkin məlumata görə, qonşu evlərə ziyan dəyib”, deyə agentlik yerli mənbələrə istinadla bildirir.
Yerli sakinlər Yevpatoriyadan Novofedorofka istiqamətinə çox sayda təcili yardım maşınlarının getdiyini bildiriblər. Partlayış yerinə sanitar aviasiya göndərilib.
Turistlər Novofedorovkadakı çimərliklərdən qaçıblar.
Turistlər, habelə yerli sakinlər Novofedorovkanı kütləvi şəkildə tərk etməyə başlayıb, çıxışda tıxaclar yaranıb.
Qeyd etmək lazımdır ki, Krımda partlayışlar Rusiya ordusunun təyyarələrin Zaporojye, Nikolaev və Herson vilayətlərini bombalamaq üçün havalandığı aviabazasında baş verib. (Contact.az)