Azərbaycanda 103 seçki dairəsinin ərazisində 832 yeni seçki məntəqəsi yaradılıb. Bu barədə MSK-nın iyulun 26-da keçirilən iclasında qurumun sədr müavini Rövzət Qasımov bildirib. Beləliklə, ölkədə seçki məntəqələrinin ümumi sayı 6 274-ə çatıb.
Yeni məntəqələrin yaradılması onunla əlaqədardır ki, hər bir məntəqədə 50-dən 1500-ə qədər seçici qeydiyyatda olmalıdır bağlıdır. Seçicilərin sayı 1500-dən çoxdursa, məntəqələrin yeri dəyişdirilməli və səsvermə üçün yeni məntəqələr yaradılmalıdır.
Eyni zamanda, iclasda seçki dairələrinin sərhədlərinin müəyyən edilməsi üzrə komissiyanın yaradılması haqqında qərar qəbul edilib. Komissiyaya 6 MSK üzvü, Əmlak Məsələləri Dövlət Xidmətinin, Ədliyyə Nazirliyinin Bələdiyyələrlə İş Mərkəzinin və Bakı Şəhər İcra Hakimiyyətinin nümayəndələri daxil olub.
Qeyd edək ki, seçki dairələrinin sərhədlərinin “müəyyən edilməsi” ərazilərin parlamentdə bərabər təmsil edilməsi normasının təmin edilməsi üçün zəruridir.