Polşa Ukraynaya silah tədarükü ilə bağlı son 30 ilin ən böyük müqaviləsini imzalayacaq.
Bunu Polşanın Baş naziri Mateuş Moravetski deyib:
“Əslində, biz indi son 30 ilin ən böyük silah ixracı müqavilələrindən birini imzalayırıq. Sınaqdan keçmiş silahlardır və sübut olunub ki, bu, artıq meydanda çox vacib silah olacaq. Ukraynaya silah tədarükünün maliyyələşdirilməsi qismən Avropa İttifaqı tərəfindən qarşılanacaq”.
Polşanın Baş nazirinin müavini, dövlət aktivləri naziri Yaçek Sasin isə bildirib ki, müqavilənin məbləği təxminən 630 milyon dollar olacaq.