Səhnədə döyüş, Uill Smitin göz yaşları və Ukraynaya dəstək üçün bir dəqiqəlik sükut
Los-Ancelesdə 94-cü “Oskar” kino mükafatının təqdimat mərasimi keçirilib.
Mərasimdə 23 kateqoriya üzrə 15 qalib müəyyən olunub.
Bu il “Ən yaxşı film” nominasiyasında “Dune”, “Belfast”, “Don’t Look Up”, “West Side Story”, “CODA”, “The Power of the Dog”, “Licorice Pizza”, “Nightmare Alley”, “King Richard” və Yaponiya istehsalı “Drive My Car” filmləri yarışıb.
“Ən yaxşı rejissor” adı uğrunda Kennet Brana, Ryusuke Hamaquti, Pol Tomas Anderson, Ceyn Kempion və Stiven Spilberq mübarizə aparıb.
“Ən yaxşı aktrisa” nominasiyasına Nikol Kidman (“Being the Ricardos”), Oliviya Kolman (“The Lost Daughter”) , Penelopa Kruz (“Parallel Mothers”), Cessika Çesteyn (“The Eyes of Tammy Faye”) və Kristen Stüart (“Spencer”) iddialı olub.
“Ən yaxşı aktyor” mükafatı uğrunda Havyer Bardem (“Being the Ricardos”), Benedikt Kamberbetç (“The Power of the Dog”), Endryu Qarfild (“Tick, Tick… Boom!”), Uill Smit (“King Richard”), yaxud Denzel Vaşinqton (“The Tragedy of Macbeth”) yarışıb.
“Xarici dildə ən yaxşı film” nominasiyasında Ryusuke Hamaquti “Drive My Car”, Yonas Poer Rasmussenin “Flee”, Paolo Sorrentinonun “The Hand of God”, Pavo Çoyninq Dorjinin “Lunana: A Yak in the Classroom”, Joakim Trierin “The Worst Person in the World” filmləri mübarizə aparıb.
Bu ilin “Ən yaxşı film”i “CODA” olub.
“Ən yaxşı rejissor”- Ceyn Kempion (“The Power of the Dog”),
“Ən yaxşı aktrisa” – Cessika Çesteyn (“The Eyes of Tammy Faye”).
“Ən yaxşı aktyor” – Uill Smit (“King Richard”),
“Ən yaxşı köməkçi aktyor” Troy Cotsur – “CODA”,
“Ən yaxşı köməkçi aktrisa” – Ariana Debose – “West side story”,
“Xarici dildə ən yaxşı film” – “Drive my car” – Yaponiya istehsalı, rejissor Ryusuke Hamaquti,
“Ən yaxşı orijinal ssenari” – “Belfast” – Kenneth Branagh,
“Ən yaxşı uyğunlaşdırılmış ssenari” – “CODA” – Sian Heder,
“Ən yaxşı orijinal musiqi” – Hans Zimmer –“Dune”,
“Ən yaxşı səs effekti” – “Dune”,
“Ən yaxşı montaj” – “Dune”,
“Ən yaxşı vizual effekt” – “Dune”,
“Ən yaxşı operator işi” – Greig Fraiser – “Dune”,
“Ən yaxşı istehsal dizaynı – “Dune”,
“Ən yaxşı sənədli film” – “Summer of soul”,
“Ən yaxşı qısametrajlı sənədli film” – “The queen of basketball”,
“Ən yaxşı cizgi filmi” – “Encanto”,
“Ən yaxşı qısametrajlı cizgi filmi” – “The windshield wiper”.
“Ən yaxşı qısametrajlı film” – “The long goodbye” seçilib.
Bu il mükafat tarixində ilk dəfə 8 nominasiya üzrə qalib mərasim başlamazdan əvvəl elan olunub.
Mərasimdə Ukraynada baş verən hadisələrlə əlaqədar həlak olanların xatirəsi bir dəqiqəlik sükutla yad olunub.
Budəfəki təqdimat mərasimi münaqişəsiz ötüşməyib.
Komediya aktyoru Kris Rok səhnədə Uill Smitin həyat yoldaşı Cada Pinkett-Smiti keçəl olduğu üçün “Əsgər Ceyn” filmindəki eyniadlı obrazla müqayisə edib.
Zarafata dözməyən aktyor səhnəyə qalxaraq, Kris Rokun üzünə yumruq zərbəsi endirib, həyat yoldaşının adını çəkməməyi tələb edib.
Uill Smitin həyat yoldaşı autoimmun xəstəlikdən əziyyət çəkir. Cada dəfələrlə müsahibəsində saçlarının töküldüyünü deyib. (Meydan.tv)