Martın 5-də Bakının Sabunçu Rayon Məhkəməsində iki nəfər Ermənistan vətəndaşı – İşxan Sarqsyan və Vladimir Rafaelyanın işi üzrə proses başa çatıb. Onlar terrorizmdə ittiham olunurlar.
Məhkəmə Sarqsyanı 19 il, Rafaelyanı 18 il müddətinə azadlıqdan məhrum edib. Bir həftə öncə prokuror Sarqsyanın 20 il, Rafaelyanın isə 19 il azadlıqdan məhrum olunmasını xahiş etmişdi.
İttihama əsasən, sözügedən Ermənistan vətəndaşları hərbi qulluqçular və kəşfiyyat qrupunun üzvləridir. 27 may 2021-ci ildə Azərbaycanın Kəlbəcər rayonunda dövlət sərhədini keçərək yuxarı Ayrım kəndi yaxınlığında yolu minalayarkən saxlanılıblar.
Onlara qarşı Azərbaycan Cinayət Məcəlləsinin 214.2.3 (terrorizm, odlu silah tətbiq etməklə), 228 ( qanunsuz silah dövriyyəsi), 318-ci (sərhədi qanunsuz keçmə) və 282-ci (təxribat) maddələrilə ittiham irəli sürülüb.