Rusiya “Donetsk və Luqansk Xalq respublikaları hökuməti”nin müraciətindən sonra Ukraynada hərbi əməliyyatlara başlayıb.
Bu, Rusiya prezidenti Vladimir Putin tərəfindən cümə axşamı fövqəladə müraciətdə elan edildi.
O, Moskvanın Ukraynanı “demilitarizasiyaya və denasifikayaya” can atacağını bəyan edib, ukraynalı hərbçiləri silahları atmağa çağırıb və kənardan baş verənlərə müdaxilə etmək cəhdlərinə dərhal cavab verəcəyi barədə xəbərdarlıq edib.
Bundan dərhal sonra Ukraynanın bir sıra şəhərlərində, o cümlədən Kiyev və Xarkovda partlayış səsləri haqda xəbərlər yayılmağa başlayıb.
Fevralın 24-də günorta saatlarında Xarkov yaxınlığında ağır döyüşlər davam edirdi. Ukrayna tərəfi düşmənin tank hücumunu dəf edib, düşmən canlı qüvvə və texnika itkiləri verib, xəbəri Ukrayna SQ-nin Baş Qərargahı yayıb.
Mənbənin məlumatına görə, Ukrayna hərbiçiləri Luqansk vilayətində yerləşən Sçastye şəhərini, həmçinin Mariupolu tam nəzarətləri altına qaytarıblar. Eyni zamanda, Çerniqov vilayətində rus ordusunun irəliləyişini dayandırmaq mümkün olub.
“Qoşunlarımızın gücü ilə Mariupol və Sçastye tam nəzarətimiz altına qaytarılıb. Düşmənin minimum altı təyyarəsi, iki helikopteri və onlarla zirehli texnikası məhv edilib. Xerson istiqamətində vəziyyət çətindir, amma Ukraynanın müdafiə qüvvələri təcavüzkarı dəf edir”, deyə Baş Qərargahın bəyanatında bildirilir.