Qazaxıstan Prezidenti Kasım-Jomart Tokayev Samat Abişin Milli Təhlükəsizlik Komitəsi sədrinin birinci müavini vəzifəsindən azad edilməsi haqqında sərəncam imzalayıb.
Bu barədə Prezidentin mətbuat xidməti məlumat yayıb.
Samat Abış 2015-ci ilin dekabrından Qazaxıstan Milli Təhlükəsizlik Komitəsi sədrinin birinci müavini vəzifəsində çalışırdı. O, ölkənin ilk Prezidenti Nursultan Nazarbayevin qardaşı oğludur.
Xatırladaq ki, bundan öncə Nursultan Nazarbayevin ortancıl qızı Dinaranın həyat yoldaşı Timur Kulibayev “Atameken” Milli Sahibkarlar Palatasının Rəyasət Heyətinin sədri vəzifəsindən istefa verməli olub. N.Nazarbayevin kiçik qızı Aliyənin həyat yoldaşı, “KazTransOil” SC-nin İdarə Heyətinin sədri Dimaş Dosanovun və N.Nazarbayevin böyük qızı Dariqa ilə qeyri-rəsmi nikahda olan Kayrat Şaripbayevin “QazaqGaz” Milli Şirkəti SC-nin sədri səlahiyətlərinə xitam verilib.