Dövlət Vergi Xidməti Bakı şəhər Lokal Gəlirlər Baş İdarəsi keçmiş deputat və biznesmen Aslan Cəfərova məxsus uşaq qidaları idxal edən “Diplomat-I” Firmasını məhkəməyə verib.
Firmaya qarşı 44 min manata yaxın vergi borcundan yayınma barədə iddia qaldırılıb.
İşə Bakı Kommersiya Məhkəməsinin hakimi Fərrux Qasımovun sədrliyi ilə baxılır.
Qeyd edək ki, 2008-2010-cu illərdə “Diplomat-I” firmasının kommersiya direktoru olan A.Cəfərov deputat olmazdan qabaq İqtisadi İnkişaf Nazirliyində və İstehsal Bazarına Nəzarət Dövlət Xidmətində işləyib. O, 77 saylı Astara seçki dairəsindən Milli Məclisin IV çağırış deputatı seçilib.
Qeyd edək ki, hazırda firmanın qanuni təmsilçisi keçmiş deputatın atası Məmmədhüseyn Cəfərovdur.
Firmanın ən məşhur brendi “Hipp” qidalarıdır.