Yevlax rayonunun keçmiş icra başçısı Qoca Səmədovun cəzası azaldılıb.
Şəki Apellyasiya Məhkəməsində onun şikayətinə baxılıb və qərara əsasən, keçmiş icra başçısının həbs müddəti 6 ilə endirilib.
Qeyd edək ki, Qoca Səmədov Şəki Ağır Cinayətlər Məhkəməsinin hökmü ilə 7 il 3 ay müddətinə azadlıqdan məhrum edilmişdi.
O, 2019-cu ildə Dövlət Təhlükəsizliyi Xidməti (DTX) tərəfindən həbs edilib. Səhhətindəki problemlərlə əlaqədar ötən ilin sentyabrında həbsdən buraxılsa da, ürək əməliyyatı keçirəndən sonra yenidən həbs edilmiş və ona hökm oxunmuşdu.