Amerika Birləşmiş Ştatlarının Dövlət katibi Entoni Blinken dünən Almaniyanın xarici işlər naziri Annalena Baerbokla birgə keçirdiyi brifinqdə Rusiyanın ünvanına bəzi firkilər səsləndirib.
Belə ki, E.Blinkenə Rusiyanın NATO-nun şərqə doğru genişlənməməsi ilə bağlı son vaxtlar artan təminat tələbləri və yanvarın 10-na planlaşdırılan ABŞ-Rusiya təhlükəsizlik danışıqlarından gözləntiləri barədə sual verilib.
O isə qeyd edib ki, regionda qeyri-sabitliyin mənbəyi NATO yox, Rusiyadır.
“Bəli, Rusiya öz ictimai bəyanatlarında və irəli sürdüyü sənədlərdə Avropanın təhlükəsizliyi ilə bağlı məsələləri qaldırıb. Amma gəlin bunu çox açıq deyək: NATO Ukraynanı işğal etməyib; NATO Gürcüstanı işğal etməyib; NATO Moldova xalqının iradəsinə zidd olaraq Moldovada hərbi qüvvələr yerləşdirməyib”.
E.Blinken onu da əlavə edib ki, ABŞ Rusiyanın narahatlığını dinləməyə hazırdır, ancaq Vaşinqtonun da öz narahatlıqları var, Moskva da onlara qulaq asmalıdır.
ABŞ-ın Azərbaycandakı səfirliyi qeyd edilən sitatı sosial şəbəkə hesabında paylaşıb.
.png)