Qarabağda Rusiya sülhməramlı qüvvələri MDB məkanında millətlərarası münaqişələr zonasında heç vaxt sülhməramlıların səlahiyyətlərinə aid olmayan funksiyaları yerinə yetirir.
Bunu virtualaz.org-aaçıqlamasında rusiyalı politoloq, Etnik və Beynəlxalq Araşdırmalar Mərkəzinin elmi direktoru, “Arxont” jurnalının baş redaktoru Anton Bredixin deyib.
“Rusiya sülhməramlılarının Abxaziya, Cənubi Osetiya, Dnestryanı bölgədəki funksiyaları və Qarabağda həyata keçirdikləri fəaliyyətlər arasında böyük fərq var. Bir halda onların əsas fəaliyyəti münaqişə tərəflərini ayırmaq olub, Qarabağda isə sülhməramlılar xəstəxanalar tikir, məktəbləri və kənd təsərrüfatı texnikasını təmir edir, fermerlərə mineral gübrələrlə kömək edir, qazlaşdırma aparır və s. Sülhməramlıların qeyri-hərbi vəzifələri ola bilər: hərbi əməliyyatların qurbanlarına kömək etmək, əldə edilmiş razılaşmaların şərtlərinə əməl olunmasına nəzarət etmək. Lakin Qarabağdakı Rusiya sülhməramlıları sülhməramlı kontingentin bilavasitə missiyasından xeyli kənara çıxıblar”.
Ekspertin fikrincə, bu, çox güman bir tərəfdən Qarabağın erməni əhalisinin ümidsizliyi, digər tərəfdən isə Ermənistanda iqtisadi böhranın nəticəsidir.
Bredixin hesab edir ki, Qarabağda infrastrukturun yaradılması ilə sülhməramlılar deyil, Azərbaycan hökuməti məşğul olmalıdır.