Bakı Şəhər İcra Hakimiyyətinin (BŞİH) keçmiş aparat rəhbəri Rasim Quliyevin cinayət işi üzrə məhkəmə prosesi yekunlaşıb.
Bakı Ağır Cinayətlər Məhkəməsinin hökmü ilə Rasim Quliyev 3 il müddətinə azadlıqdan məhrum edilib.
Qedək ki, Rasim Quliyev 2010-2018-ci illərdə BŞİH-də Aparat rəhbəri olub. Bu ilin aprelində Korrupsiyaya qarşı Mübarizə Baş İdarəsi tərəfindən saxlanılan Rasim Quliyevə Cinayət Məcəlləsinin 308.2 (vəzifə səlahiyyətlərindən sui-istifadə) və 314-2.3-cü (qanunsuz tikinti aparılmasına icazə vermə) maddələri ilə ittiham elan edilib.
İttihama əsasən, R.Quliyev BŞİH başçısının birinci müavini, daha sonra isə başçısı səlahiyyətlərini icra edərkən Nəsimi rayonu, Dilarə Əliyeva küçəsində mədəniyyət abidəsi kimi dövlət tərəfindən mühafizə olunan yaşayış evinin sökülməsi, yerində yeni binaların tikintisi üçün “FF-2011” şirkətinə qanunsuz icazə verib.