Ukraynanın keçmiş prezidenti Petro Poroşenko dövlətə xəyanətdə ittiham olunur.
Bu barədə Milli Təhlükəsizlik və Müdafiə Şurasının keçmiş katibi, Poroşenkonun “Avropa həmrəyliyi” partiya qərargahının rəhbəri Aleksandr Turçinov məlumat verib.
Poroşenko Ukraynanın “Müxalifət Platforması – Ömürlük” partiyasının siyasi şurasının rəhbəri Viktor Medvedçukla birlikdə Donbassın Kiyevin nəzarətində olmayan ərazilərindən qanunsuz kömür tədarükünü təşkil etməkdə şübhəli bilinir.
Poroşenko ittihamları rədd edib.
Qeyd edək ki, daha əvvəl Ukraynanın Dövlət İstintaq Bürosu keçmiş prezidentdən Donbassdan kömür alınması ilə bağlı sənədi təqdim etməyi tələb etsə də, o, buna məhəl qoymayıb.