Ukraynanın keçmiş Prezidenti Petro Poroşenko ölkə parlamentinin “Rada” telekanalının canlı efirinə hücum çəkib.
Studiyaya Ali Radanın maliyyə, vergi və gömrük siyasəti məsələləri üzrə komitəsinin rəhbəri Daniil Qetmançev ilə birgə gələn P.Poroşenko canlı efirə maneə yaradaraq kanalın kollektivini ölkənin hazırkı rəhbərliyinə işləməkdə ittiham edib.
O, telekanalın fəaliyyəti üçün ayrılan vəsaitin “Prozorro” dövlət satınalma saytından yan keçməklə ayrıldığını və müxalifətə qarşı mübarizəyə yönəldiyini, bu vəsaitlərin “Prozorro” sistemi olmadan xərcləndiyini bildirrək bunun korrupsiya müqaviləsi olduğunu deyib.
Poroşenko onun müdaxiləsinə iradını bildirən aparıcıya “gənc qız” deyə müraciət edərək ona bu qalmaqalda iştirak etməməyi tövsiyə edib.
Poroşenko gedərkən hərəkətinə görə üzr istəyib.
Qeyd edək ki, P.Poroşenko 2014-cü ildən 2019-cu ilə qədər Ukraynanın prezidenti olub. Hazırda Radada “Avropa Həmrəyliyi” fraksiyasına rəhbərlik edir.