Bakıda dönərdən kütləvi zəhərlənmə baş verib.
“28 May” metrostansiyası yaxınlığında yerləşən dönərxanalardan birində dönər yeyən 8 nəfər zəhərlənmə diaqnozu ilə Kliniki Tibbi Mərkəzə aparılıb.
Zəhərlənən şəxslərdən biri qadın, yeddisi kişidir. Onlardan birinin 16 yaşı var, vəziyyətləri orta ağırdır.
Zəhərlənənlərin adları:
1. Cavid Bayramov
2. Murad Xəlilov
3. Tünzalə Fəttahova
4. Həmid Əliyev
5. Səid Soltanov
6. Rafiq Mirzəyev
7. Qüdrət Ömərov
8. Maqsud Soltanov
Vəziyyətləri yaxşı olduğu üçün Qüdrət Ömərov və Murad Xəlilov evə buraxılıblar. Digərlərinin hazırda müalicəsi davam etdirilir.
DİN Mətbuat xidmətinin şöbə müdiri Elşad Hacıyev bildirib ki, dönərdən zəhərlənmə faktı ilə bağlı Cinayət Məcəlləsinin 200-cu (İstehlakçıları aldatma və ya pis keyfiyyətli məhsul istehsal etmə və satma) maddəsi ilə Nəsimi Rayon Polis İdarəsinin İstintaq şöbəsində cinayət işi başlanıb.