• 14 Aprel 2024 01:57

Xanım sərnişinlərə əxlaqsız təklif edən taksi sürücüləri saxlanılıb

Dek 10, 2021

Xanım sərnişinlərə əxlaqsız təkliflər edən 5 taksi sürücüsü saxlanılıb.

DİN-in məlumatına görə, paytaxt ərazisində şəxsi avtomobili ilə taksi fəaliyyəti göstərən bəzi sürücülərin xanım sərnişinlərlə qeyri-etik formada davranmaları barədə sosial şəbəkələrdə videolar yayıldıqdan sonra vətəndaşlardan bu barədə polis orqanlarına şikayətlər daxil olub.

Araşdırma zamanı müəyyən edilib ki, həqiqətən də taksi fəaliyyəti ilə məşğul olan bəzi şəxslər avtomobilə əyləşən qadınlara qarşı etikadan kənar davranış sərgiləyiblər. Nəticədə xanım sürücülərə qarşı əxlaqsız təkliflər edən 5 taksi sürücüsü – Bakı şəhər sakinləri Kənan Xəlilov, Elşad Şirinov, Abşeron rayon sakini Nizami Kərimov, Tərtər rayon sakini Elşən Mürsəlzadə və Lerik rayon sakini Şabala Ağayev saxlanılıblar.

Saxlanılan taksi sürücüsü Elşən Mürsəlzadənin üzərindən narkotik vasitə olan heroin aşkar edildiyindən onun barəsində cinayət işi başlanılıb. Digər sürücülər isə inzibati məsuliyyətə cəlb edilərək inzibati qaydada həbs ediliblər.