ABŞ-ın paytaxtı Vaşinqton şəhərində Səudiyyə Ərəbistanı səfirliyinin qarşısındakı küçəyə 2018-ci ildə Səudiyyə Ərəbistanının İstanbuldakı Baş Konsulluğunda öldürülən jurnalist Camal Qaşıqçının adı veriləcək.
Bununla bağlı Vaşinqton şəhər şurası qanun qəbul edib.
Bundan başqa, Nyu-Hempşir küçəsində Səudiyyə Ərəbistanının Vaşinqtondakı səfirliyinin yerləşdiyi hissənin adı dəyişdirilərək “Cemal Khashoggi Road” olacaq.
Yeni lövhə gələn ayda keçiriləcək ictimai mərasim zamanı quraşdırılacaq.
Qeyd edək ki, Camal Qaşıqçı Səudiyyə Ərəbistanlı jurnalistdir. Səudiyyə Ərəbistanının hökumətinə qarşı müxalif yazıları ilə tanınırdı. 02 oktyabr 2018-ci il tarixdə Səudiyyə Ərəbistanının İstanbuldakı Baş Konsulluğunda öldürülüb.