Hbsdə olan keçmiş nazir Səlim Müslümova məxsus olan “Formes Group. Az” MMC “Azəriqaz” İstehsalat Birliyiynə olan borcunu ödəmək istəmir.
“Formes.Group.Az” MMC 2016-cı ildən istixana kimi fəaliyət göstərir. 2020-ci ilə qədər olan dövr üçün istixananın “Azəriqaz”a 217 min manat borcu yaranıb, lakin istixana müxtəlif bəhanələrlə ödənişdən yayınır.
“Azəriqaz” İstehsalat Birliyi istixananı məhkəməyə verərək qətnamə çıxarılmasına nail olsa da, indiyə qədər Şəki İnzibati İqtisad Məhkəməsinin qətnaməsi icra olunmayıb.
Buna görə də “Azəriqaz” yenidən məhkəməyə müraciət etməli olub. Hazırda iş Bakı Kommersiya Məhkəməsinin hakimi Emin Əliyevin icraatındadır.
Qeyd edək ki, Səlim Müslümov 2013-2018-ci illərdə Əmək və əhalinin sosial müdafiəsi naziri olub. 2021-ci ilin fevralında korrupsiya ittihamı ilə həbs edilib.