Avropa Məhkəməsi ölkədən çıxışı yasaqlanan alimlə jurnalistin şikayətini araşdırır

Avropa İnsan Haqları Məhkəməsi (AİHM) Azərbaycandan göndərilmiş iki şikayəti araşdırmağa başlayıb.

Araşdırılmağa başlanan işlərdə ərizəçilər alim Hümeyir Hüseynov və jurnalist Natiq İsbatovdur.

Hər iki ərizəçi ölkədən çıxışlarına qadağa qoyulmasından şikayət edirlər. Şikayətlərində iddia edirlər ki, onlara tətbiq edilən qadağalar Avropa Konvensiyasının hərəkət azadlığı hüququnu təminat altına alan müddəalarına ziddir.

AİHM hökumətə ünvanladığı suallarında tətbiq edilən səyahət qadağasının hüquqi aspektlərinin əsaslandırılmasını istəyib.

29 noyabr 2021-ci il tarixdə bilgi dərc edilib

BEŞİNCİ BÖLMƏ

Ərizə no:17979/20 və 41490/20

Hümeyir Hüseyn oğlu ƏHMƏDOV Azərbaycana qarşı
və Natiq İsgəndər oğlu İSBATOV Azərbaycana qarşı

Ərizələr müvafiq olaraq 13 aprel 2020 və 12 avqust 2020-ci il tarixlərində daxil olub
9 noyabr 2021-ci il tarixdə kommunikasiya başlayıb

Məhkəmə işinin mövzusu

Hər iki ərizə rəsmi qurumlar tərəfindən Azərbaycandan xaricə səfər etmələri əngəllənən ərizəçilərə tətbiq edilən səyahət yasağı ilə bağlıdır.

Tərəflərə suallar

Konvensiyanın 4 Saylı Protokolunun 2-ci maddəsinin 2-ci bəndi ilə təminat verildiyi kimi, ərizəçilərin cavabdeh dövlətin ərazisini tərk etmək azadlığına hər hansı məhdudiyyət tətbiq edilibmi?

Tətbiq edilibsə, bu məhdudiyyət qanuna uyğun idimi və 4 Saylı Protokolun 2-ci maddəsinin 3-cü bəndi baxımından zəruri idimi (bax: Mürsəliyev və başqaları Azərbaycana qarşı, № 66650/13 və başqa 10 ərizəçi, §§ 29-36, 13 dekabr 2018-ci il)?

Ərizəçilər, Konvensiyanın 13-cü maddəsində nəzərdə tutulduğu şəkildə, 4 Saylı Protokolun 2-ci maddəsi çərçivəsindəki şikayətlərini qaldırmaları üçün təsirli daxili müdafiə vasitəsinə malik idilərmi?

ƏLAVƏ