Əfqanıstanda “Taliban” rejimi qadınların çəkildiyi serialların yayımını qadağan edib.
Yeni qaydalara görə ölkədə fəaliyyət göstərən qadın jurnalistlər və aparıcılar kamera qarşısına keçərkən hicab taxmalı olacaqlar.
“Taliban” rejimi Əfqanıstan televiziya kanalları üçün 8 yeni maddə hazırlayıb.
Qaydalarda həmçinin şəriət qanunlarını və “Əfqan dəyərlərini” pozduğu hesab edilən filmlərin, eləcə də kişi bədəninin özəl hissələrini göstərən şəkillərin yayımı qadağan edilib.
Dini və ya əfqanları təhqir edən komediya və əyləncə proqramları da qadağan ediləcək.
“Taliban” həmçinin xarici mədəni dəyərləri vurğulayan əcnəbi filmlərin nümayişinə qarşı da sərt qaydalar qəbul edib.
Bundan başqa, qadınların iştirakı ilə televiziya proqramları da qadağan edilib.
Qadağa həmçinin islam dəyərlərinə zidd olan televiziya şouları və proqramlara da qoyulub.
Verilişlərə qadınların çıxması ilə yanaşı, Məhəmməd peyğəmbəri təsvir edən proqramların hazırlanması da qadağandır. Direktiv qadınların jurnalistika ilə məşğul olmasını qadağan etməsə də, lakin onların kadrlarda hicablı görünmələrini məcbur edir.