Xalq artisti Canəli Əkbərov bu gün vəfat edib.
Bu barədə onun yaxınları məlumat yayıb.
Canəli Əkbərov sabah ll Fəxri Xiyabanda dəfn olunacaq.
Qeyd edək ki, xanəndə iki gün əvvəl beyin insultu keçirmişdi. Bir neçə gün öncə yenidən vəziyyəti pisləşdiyindən süni nəfəs aparatına qoşulmuşdu.
C.Əkbərov 1940-cı il martın 10-da Lənkəran rayonunda anadan olub. O, musiqi təhsilini Bakıda Azərbaycan Dövlət Musiqi Məktəbində alıb. Müəllimləri Seyid Şuşinski və Xan Şuşinskidən muğam ifaçılığının qaydalarını mənimsəyib, bununla da ifaçılıq qabiliyyətini təkmilləşdirib.
Xanəndə bu teatr səhnəsində muğam operalarında Məcnun və İbn-Səlam (Ü.Hacıbəyov – “Leyli və Məcnun”), Şah İsmayıl (M.Maqomayev – “Şah İsmayıl”), Aşıq Qərib (Z.Hacıbəyov – “Aşıq Qərib”) kimi yadda qalan obrazlar yaradıb. Canəli Əkbərov bir sıra xarici ölkələrdə qastrol səfərlərində olub.
Prezident İlham Əliyev 2020-ci ilin martında Azərbaycan mədəniyyətinin inkişafında uzunmüddətli səmərəli fəaliyyətinə görə Canəli Əkbərovu 1-ci dərəcəli “Əmək” ordeni ilə təltif edib.