Dünən Kürdəmir rayonunda idarə etdiyi maşını aşıraraq qəzada həlak olan şəhid Şəhid mayor Rəhim Hüseynovun həyat yoldaşı Günel Ələsgərova dəfn edilib.
G.Ələsgərova Xəzər rayonu Şüvəlan qəsəbəsində yerləşən qəbiristanlıqda torpağa tapşırılıb. O, babası, nənəsi və dayısının məzarının yanında dəfn edilib.
Günel Ələsgərova ilə birgə maşında olan və hadisə yerində həlak olan Emin Tağıyev polkovnik olub. O, şəhid Rəhim Hüseynovun yaxın dostu olub. Onlar şəhidin ildönümü ərəfəsində Zərdab rayonunda keçirilən anım mərasimində iştirak etmək üçün rayona gedirmişlər. Şəhid R. Hüseynovun sonbeşiyi olan oğlu da maşında olub. Qəza nəticəsində o da xəsarətlər alsa da, hazırda vəziyyəti yaxşıdır.
Hadisədən bir gün əvvəl Bakıda şəhid Rəhim Hüseynovun anım mərasimi keçirilib.
Qəza G. Ələsgərovanın maşını yüksək sürətlə idarə etməsi nəticəsində baş verib.
Qeyd edək ki, mayor R.Hüseynov ötən il oktyabrın 20-də Qubadlı döyüşləri zamanı şəhid olub. II Fəxri Xiyabanda dəfn edilib. O, ölümündən sonra “Qarabağ” ordeni, “Vətən uğrunda”, “Cəbrayılın azad olunmasına görə” və “Qubadlının azad olunmasına görə” medalları ilə təltif edilib.
Rəhim Hüseynov və Günel Ələsgərovanın 3 azyaşlı övladı qaldı.
