Nyu-Yorkda cərrahlar genetik modifikasiya olunmuş donuzun böyrəyinin insana köçürülməsi üzrə əməliyyat keçiriblər.
Bu barədə “RİA Novosti” “New York Times”-dakı məqaləyə istinadən xəbər verib.
Əməliyyatı həyata keçirən Nyu Yorkdakı Transplantologiya İnstitutunun direktoru Robert Montqomeri, orqan normal işlədiyini, böyrəkdə “demək olar ki, dərhal” sidik əmələ gəlməsi prosesinin başladığını söyləyib. O bildirib ki, böyrək alan şəxsin beyni öldüyü üçün, o süni nəfəs aparatına qoşulub.
Cərrah, genetik olaraq dəyişdirilmiş donuzların “davamlı orqan mənbəyini cevrilmə potensialına sahib olduqlarını” söyləyib.
Araşdırmaya qatılan transplant cərrahiyyəsi professoru əməliyyatı “böyük addım və böyük uğur” adlandırıb. Məqalə müəllifi qeyd edir ki, alimlər donuz orqanlarının insanlara köçürülməsi üçün yetişdirməyi öyrənsələr, bu, transplantasiya üçün növbədə olan təxminən 100 min amerikalı xilas edə bilər. Məqalədə qeyd olunur ki, hazırda təxminən 90 min amerikalıların böyrəyə ehtiyacı var.