Y.Kirakosyan çıxışında bildirib ki, Ermənistan məhkəmənin müharibənin kökləri barədə qərar çıxarmasını istəmir, yalnız etnik ermənilərə qarşı zorakılıq və nifrətin qarşısının alınmasına çalışır.
Azərbaycanın vəkilləri də məhkəmədə çıxış edəcəklər.
Azərbaycan tərəfi də oxşar iddia qaldırıb. İddiada Ermənistan azərbaycanlılara qarşı diskriminasiyada ittiham edilir və məhkəmədən təcili tədbirlər görülməsi istənilir.
Azərbaycanın iddiası üzrə dinləmələr oktyabrın 25-də başlanacaq.
Hər iki iddia üzrə qərar bir neçə həftəyə gözlənir.
İrqi ayrıseçkiliyin bütün formalarının ləğvi haqqında Beynəlxalq Konvensiyanın iddia olunan pozuntuları üzrə qərarların qəbulu isə illərlə çəkə bilər.
Qeyd edək ki, Qarabağ münaqişəsi Ermənistanın Azərbaycana ərazi iddiaları ilə 1988-ci ildə başlayıb. 1994-cü ildə gerçəkləşən atəşkəsə qədər Azərbaycanın Dağlıq Qarabağ bölgəsi və ona bitişik 7 rayonu işğal edilmişdi.