Bu gün Gürcüstanın paytaxtı Tbilisi şəhərində ölkənin keçmiş prezidenti Mixeil Saakaşvilinin azadlığa buraxılması tələbi ilə mitinq keçirilib.
Mitinqi müxalifət partiyası olan “Vahid Milli Hərəkat” partiyası təşkil edib.
“Azadlıq” meydanına toplanan etirazçılar Saakaşvilinin həbsdən azad edilməsini tələb ediblər. Mitinq zamanı M.Saakaşvilinin məktubu oxunub.
Mitinqə paytaxt sakinləri ilə yanaşı Gürcüstanın müxtəlif bölgələrindən çox sayda insanlar toplaşıb.
Əraziyə çox sayda polis və təcili yardım maşınları cəlb edilib.
4 saata yaxın davam edən mitinq insidentsiz başa çatıb.
Xatırladaq ki, M.Saakaşvili oktyabrın 1-də Tbilisidə həbs edilib.