Bu gün səhər saat 6:40 radələrində aeroport şosesinin Suraxanı rayonu ərazisindən keçən hissəsində, hava limanı-Mərdəkan yolunun Suraxanı dairəsi adlanan yerində ağır yol-nəqliyyat hadisəsi baş verib.
Mərdəkan istiqamətində hərəkətdə olan Mahmud Əzizovun idarə etdiyi 99 DH 343 dövlət qeydiyat nişanlı “Mercedes” markalı yük avtomobili hərəkət etdiyi zolaqdan çıxaraq, “Ayşən LTD” şirkətinin müvəqqəti istismarında olan, Tahir Abdullayevin idarə etdiyi 171 nömrəli müntəzəm marşrut xətti üzrə 10 TH 116 dövlət qeydiyat nişanlı sərnişin avtobusuna çırpılıb.
Hadisə yük avtomobili sürücüsünün sükan arxasında yuxulaması səbəbindən baş verib. Sürücü yuxuladığından avtomobil idarəetmədən çıxaraq avtobusa dəyib. Nəticədə avtobus aşıb.
Qəza nəticəsində yol kənarında dayanmış Bakı şəhər sakinləri Məhiyəddin Abdullayev, İlham Aslanov, İradə İsgəndərova və Mehbarə Yaqubova, eləcə də avtobusdakı sərnişinlərdən Kəmalə Babayeva hadisə yerində həlak olub, 25 nəfər isə müxtəlif dərəcəli bədən xəsarətləri alaraq xəstəxanaya yerləşdirilib.
Xəsarət alanların siyahısı:
Zahid Tağıyev (1968)
Samirə Mansurova (1972)
Sərdar Rzayev (1979)
Anna Sapojnikova (1954)
Ruslan Hüseynov (1988)
Gülüş Sadıqova (1990)
Müslüm Səlimov (1968)
Elvin Məmmədov (1990)
Muraz Əliyev (1998)
Gülşən Məmmədova (1967)
Aygün Ağayeva (1984)
Zərifə Əliyeva (1969)
Eldar Hüseynov (1962)
Yeganə Sadıqova (1960)
Ramiz Zeynalabdiyev (1975)
Aytən Kərimova (1986)
Nəriman Həsənov (1983)
Samirə Eyvazova (1962)
Mətanət Əsadova (1962)
Surət Tağıyev (1993)
Orxan İbrahimov (1985)
Emin Məmmədov (1988)
Bağdagül Nağıyeva (1984)
Natiq Cəbiyev (1966)
Aynurə Həsənova (1989)
Cavid Qəribov (1987)
Xəsarət alanlardan 8-i ilkin tibbi yardım aldıqdan sonra evlərinə buraxılıb, 17 nəfərin müalicəsi isə davam edir.
Belə ki, 3 saylı Şəhər Klinik Xəstəxanasına yerləşdirilən 16 nəfərin adları məlum olub. Hadisə nəticəsində xasarət alanlardan 8 nəfəri qadın, 8 nəfəri isə kişidir. Xəsarət alanlardan 1967-ci il təvəllüdlü Məmmədova Gülşən Ələddin qızı, 1999-cu il təvəllüdlü Məmmədov Emin Telman oğlu, 1984-cü il təvəllüdlü Ağayeva Aygül Səməd qızı, Əliyeva Zərifə İsmayıl qızı, 1964-cü il təvəllüdlü Nağıyeva Bağdagül Nağı qızı xəstəxananın reanimasiya şöbəsinə yerləşdiriliblər.
Hadisə nəticəsində digər xəsarət alanlar – 1983-cü il təvəllüdlü Həsənov Nəriman Adışirin oğlu, 1962-ci il təvəllüdlü Əsədova Mətanət Nurulla qızı, 1960-cı il təvəllüdlü Sadıqova Yeganə Ənvər qızı və 1972-ci il təvəllüdlü Mənsurova Samirə Vaqif qızı isə müxtəlif dərəcəli bədən xəasarətləri ilə travmatologiya şöbəsinə yerləşdiriliblər.
Hadisə zamanı yüngül xəsarətlər alan 7 nəfər – 1979-cu il təvəllüdlü Rzayev Sərdar Rza oğlu, 1962-ci il təvəllüdlü Hüseynov Eldar Hacıbaba oğlu, 1986-cı il təvəllüdlü Eyvazova Samirə Sergey qızı, 1985-ci il təvəllüdlü İbrahimov Orxan Salam oğlu, 1975-ci il təvəllüdlü Zeynalabdinov Ramiz Vüsal oğlu, 1993-cü il təvəllüdlü Tağıyev Sürət Nüsrət oğlu və 1992-ci il təvəllüdlü Məmmədov Elvin Zakir oğluna ilkin tibbi yardım göstərildikdən sonra evə buraxılıblar.
Yaralananlardan iki nəfəri “Bakı Metropoliteni” QSC-nin gecə növbəsində çalışan əməkdaşıdır. Həmin şəxslərdən Cavid Qəribov tunel fəhləsi, Sərdar Rzayev isə elektrik çilingəri vəzifəsində çalışır. Yaralıların hər ikisi Sabunçu Xəstəxanasına çatdırılıblar. C. Qəribova yardım göstərilərək evə buraxılıb, S. Rzayevin müalicəsi hazırda xəstəxanada davam etdirilir.
Faktla bağlı Cinayət Məcəlləsinin 263.3-cü (ehtiyatsızlıqdan iki və daha çox şəxsin ölümünə səbəb olduqda) maddəsi ilə cinayət işi başlanılıb və qəzanı törədən 99 DH 343 dövlət nömrə nişanlı yük avtomobilinin sürücüsü, 2002-ci il təvəllüdlü Əzizov Mahmud Babagözəl oğlu tutulub.
Daha sonra onun barəsində istintaq orqanının Suraxanı Rayon Məhkəməsinə verdiyi təqdimata baxılıb. Məhkəmə təqdimatı təmin edib. Qərara əsasən M.Əzizovun barəsində 3 ay müddətinə həbs qətimkan tədbiri seçilib.
Qeyd edək ki, Cinayət Məcəlləsinin 263.3-cü (ehtiyatsızlıqdan iki və daha çox şəxsin ölümünə səbəb olduqda) maddəsinə əsasən sürücünü beş ildən on ilədək müddətə azadlıqdan məhrum etmə cəzası gözləyir.
Qeyd edək ki, hadisəni törədən Əzizov Mahmud Babagözəl oğlu Qobustan rayonunun Ərəbşalbaş kənd sakinidir. 2 il əvvəl tələbə adını qazanan 19 yaşlı M.Əzizov qəza törətdiyi 99-DH-343 dövlət qeydiyyat nişanlı “Mercedes” markalı yük avtomobilini bu ilin yanvar ayından idarə edir.
