Avstriyanın yeni kansleri Aleksandr Şallenberq olacaq.
O, istefaya getmiş Sebastyan Kurzu əvəz edəcək.
Prezident Aleksander Van Der Bellen bu gün Şallenberqin andiçmə mərasiminin keçiriləcəyini təsdiq edib.
Xatırladaq ki, Avstriya prokurorluğu korrupsiya şübhəsi ilə Kurz və bir neçə şəxslə bağlı araşdırma aparıldığını açıqlayandan sonra ölkənin mühafizəkar kansleri Sebastian Kurz vəzifəsindən istefa verib.
Korrupsiya ilə bağlı qalmaqaldan sonra üç müxalifət partiyası kanslerin istefasını tələb etmişdi.
“Alman Dalğası” radiosunun verdiyi məlumata görə, araşdırmalar zamanı üzə çıxıb ki, 2016 -cı ildən 2018 -ci ilə qədər ölkənin Maliyyə Nazirliyi Avstriyada bir qəzetdə Kurzun partiyası üçün faydalı sorğuların nəşr olunması qarşılığında həmin qəzetdə gedən reklamları büdcə vəsaiti hesabına maliyyələşdirib.
