Korrupsiyaya Qarşı Mübarizə Baş İdarəsinin keçirdiyi əməliyyat zamanı saxlanılan gömrük əməkdaşlarının məhkəməsi keçirilib.
Bakı Ağır Cinayətlər Məhkəməsində hakim Əli Məmmədovun sədrliyi ilə kemirilən məhkəmə iclasına 8 gömrük əməkdaşından 2-si gətirilməyib.
Məlum olub ki, təqsirləndirilənlərdən Orxan Zöhrabov və Emin Xəlilov koronavirusa yoluxublar. Ona görə də onların məhkəmədə iştirakı mümkün olmayıb.
Vəkilləri adı çəkilən şəxslərin müalicəsi üçün ev dustaqlığına buraxılmaları barədə vəsatət versələr də, məhkəmə vəsatəti təmin etməyib.
Məhkəmə iclası hər iki təqsirləndirilən şəxslər sağalana qədər təxirə salınıb.
Qeyd edək ki, gömrük inspektoru Orxan Zöhrabov Nəsimi rayon Məhkəməsinin sədri İlham Cəfərovun kürəkənidir.
Gömrük prosedurları və ödənişləri şöbəsinin baş inspektoru olmuş Emin Xəlilov da gömrük sistemində çalışan generallardan birinin yaxın qohumudur.